पुणे : पुणे महानगरपालिकेचा प्रभाग क्रमांक २५ (वानवडी गाव) येथे बुधवारी चैत्र शुद्ध द्वितीयेला श्री स्वामी समर्थ महाराजांच्या प्रकटदिनानिमित्त महाप्रसादाचे आयोजन करण्यात आले होते. समाजाच्या भल्यासाठी सतत प्रयत्नशील असणाऱ्या कोमल शेंडकर यांचाही त्या वेळी शिवशक्ती मित्रमंडळातर्फे सत्कार करण्यात आला. हा कार्यक्रम शिवशक्ती मंडळाचे अध्यक्ष उत्कर्ष नांगरे आणि उपाध्यक्ष विवेक रायकर यांच्या पुढाकाराने पार पडला. या सोहळ्याला वानवडीचे ग्रामस्थ मोठ्या प्रमाणावर उपस्थित होते. त्यांनी महाप्रसाद व तीर्थप्रसादाचा लाभ घेतला. या वेळी मंडळाचे कार्यकर्तेदेखील उपस्थित होते.
दरम्यान, शहर व उपनगरांमध्येही स्वामींचा प्रकटदिन उत्साहाने साजरा करण्यात आला. ‘श्री स्वामी समर्थ.. जय स्वामी समर्थ’ असा जयघोष.. स्वामींच्या सजवलेल्या मूर्तींवर पहाटेपासूनच मंदिरांमध्ये, मठांमध्ये अभिषेक, पूजाअर्चा आणि भाविकांना महाप्रसादाचे वाटप, या कार्यक्रमांसोबतच विविध संस्था आणि मंडळांतर्फे धार्मिक, सामाजिक, सांस्कृतिक कार्यक्रमांचे आयोजनही करण्यात आले होते.
